Kitchen Hub လုပ်ငန်းများ အကြောင်း

မြန်မာနိုင်ငံသည် စိုက်ပျိုးရေးကောင်းမွန်သော နိုင်ငံဖြစ်သည့် အလျောက် စိုက်ပျိုးရေးသည် နိုင်ငံ၏ ကျောရိုးတစ်ခုလည်း ဖြစ်သည်။ စိုက်ပျိုးရေးနယ်ပယ်သည် နှစ်စဥ် နိုင်ငံဝင်ငွေ၏ ၄၀ ရာခိုင်နှုန်းအား ပံ့ပိုးပေးနေသည့်အပြင် ပြည်ပတင်သွင်းမှုတွင်လည်း ၂၅ မှ ၃၀ ရာခိုင်နှုန်း အတွင်း နှစ်စဥ်ရရှိပြီး နိုင်ငံ၏ ၇၀ ရာခိုင်နှုန်း အလုပ်သမားအင်အားရှိသည့် နယ်ပယ်တစ်ခုလည်း ဖြစ်သည်။ မြန်မာနိုင်ငံတွင် ရှမ်းပြည်နယ်သည် စိုက်ပျိုးရေးတွင် အလားအလာရှိသော ဒေသတစ်ခုဖြစ်သည်။ သို့သော် လက်ရှိအချိန်တွင် သင့်လျော်သော သယ်ယူပို့ဆောင်ရေးစနစ်နှင့် တန်ဖိုးမြှင့်တင်ထားခြင်း မရှိခြင်းသည့် ကုန်ပစ္စည်းများအတွက် ရောင်းလိုအားနှင့် ဝယ်လိုအားကို ချိတ်ဆက်ရန် ခက်ခဲစေသည်။ ရိတ်သိမ်းရာသီတွင် အသီးအနှံနှင့် ဟင်းသီးဟင်းရွက်များ၏ ဈေးနှုန်းမှာ အနည်းဆုံးဖြစ်ပြီး စျေးကွက်သို့ တင်ပို့ရန်ပင် မဖြစ်နိုင်သဖြင့် ထွက်ကုန်များ များစွာဆုံးရှုံးရသည်။ ထို့အပြင် ရှမ်းပြည်နယ်ရှိ စိုက်ပျိုးရေးထုတ်ကုန်များ၏ ထပ်တိုးတန်ဖိုးကို တိုးမြှင့်နိုင်သည့် ဒေသခံကုမ္ပဏီများ မရှိသည့်အတွက် ကုန်ပစ္စည်းတန်ဖိုးမြှင့်တင်ခြင်း၊ အလုပ်အကိုင် အခွင့်အလမ်း ဖန်တီးခြင်းနှင့် ဖွံ့ဖြိုးတိုးတက်မှုအတွက် ကြီးမားသော အလားအလာမျိုး မရှိခဲ့ပါ။

မြန်မာနိုင်ငံ၏ ခေတ်မီ လက်လီရောင်းဝယ်ရေး ကဏ္ဍသည် လက်ရှိကာလတွင် တိုးတက်လျက်ရှိပြီး လတ်ဆတ်သော ထွက်ကုန်များအပြင် ပြုပြင်ထုတ်လုပ်ထားသော စားသောက်ကုန်များအတွက် စျေးကွက်ကိုပါ ပြောင်းလဲပေးနေသည်။ ဤဖွံ့ဖြိုးတိုးတက်မှုသည် စားသောက်ကုန် ထုတ်လုပ်ရေး ကုမ္ပဏီများအတွက် အခွင့်အလမ်းသစ်များကိုပါ ဖွင့်ပေးသည်။ လက်လီအရောင်းဆိုင်များသည် အစားအစာ ထုတ်ကုန်များအတွက် ဒေသခံအရင်းအမြစ်များကို ချဲ့ထွင်လာကြပြီးဒေသထွက် ပြုပြင်ထုတ်လုပ်ထားသော အစားအစာများကို အလွန်စိတ်ဝင်စားလာကြသည်။ သို့သော် ခေတ်မီ လက်လီရောင်းချသူများ အောင်မြင်စွာ ရောင်းချနိုင်ရန်အတွက် အစားအစာလုံခြုံမှုနှင့် အရည်အသွေးစံနှုန်းများလည်း ပြည့်မှီအောင် ပြုလုပ်ရမည်ဖြစ်သည်။ ဒေသခံ အငယ်စား၊ အသေးစားနှင့် အလတ်စား စားသောက်ကုန် ထုတ်လုပ်သူများသည် ကုန်ပစ္စည်း တင်သွင်းရာတွင် သက်ဆိုင်ရာဗဟုသုတနှင့် နည်းပညာများ နည်းပါးကြသည့်အတွက် မည်သို့တင်သွင်းရမည်ကို မသိရှိတာမျိုးများ ဖြစ်လာသည်။

Impact Hub Yangon နှင့် GIZ တို့ပူးပေါင်း၍ ရှမ်းပြည်နယ် မြောက်ပိုင်း တောင်ကြီးမြို့တွင် Kitchen Hub ကို ဖွင့်လှစ်ထားပါသည်။ Kitchen Hub အား စားသောက်ကုန် ထုတ်လုပ်ရေးကဏ္ဍတွင် လုပ်ငန်းစတင် လုပ်ဆောင်သူများနှင့် အသေးစားနှင့် အလတ်စားလုပ်ငန်းများအတွက် ထုတ်ကုန်အသစ်များကို စားသောက်ကုန် ဓာတ်ခွဲခန်းတွင် တီထွင်စမ်းသပ်နိုင်ရန် နှင့် အရည်သွေးမြှင့် စားသောက်ကုန်များ ထုတ်လုပ်နိုင်သော စျေးကွက်တစ်ခု ဖြစ်လာစေရန် ရည်ရွယ်၍ ဖွင့်လှစ်ထားခြင်းဖြစ်သည်။ Kitchen Hub တွင် လုပ်ငန်းသစ်များနှင့် အသေးစား၊ အလတ်စားလုပ်ငန်းများ၏ လိုအပ်သော အသိအမှတ်ပြု လက်မှတ်ရရှိနိုင်စေမည့် အသေးစားထုတ်လုပ်မှုများနှင့် စျေးကွက်ဆိုင်ရာ ထုတ်ကုန်ငယ်များကို ထုတ်လုပ်နိုင်ပါသည်။ Kitchen Hub ၏ အစားအစာ ကျွမ်းကျင်ပညာရှင်မှလည်း လုပ်ငန်းရှင်များအတွက် လိုအပ်သော အကြံပေးဝန်ဆောင်မှုများနှင့် ဗဟုသုတများကိုပါ ပေးမည်ဖြစ်ပြီး စွမ်းရည်ဖွံ့ဖြိုးတိုးတက်မှု၊ တီထွင်စမ်းသစ်မှုနှင့် စွမ်းဆောင်ရည်မြှင့်တင်ခြင်း စသည့် အစီအစဥ်များကို ပါပြုလုပ်ပေးသွားမည်ဖြစ်သည်။